Igitego kimwe rukumbi cya Ssekisambu Erissa cyafashije Kiyovu Sports kubona amanota 3 mu mukino w’umunsi wa 13.

Kiyovu Sports ni yo yari yakiriye Police FC mu mukino w’umunsi wa 13 yitabiriwe n’abafana mbarwa.

Iminota 5 ya mbere Kiyovu Sports yahushije amahirwe 2 akomeye yakabaye yavuyemo ibitego ariko umunyezamu wa Police, Rihungu abyitwaramo neza.

Umukino wakomeje gukinirwa mu kibuga hagati nta kipe irema amahirwe afatika kugeza igice cya mbere kirangiye ari 0-0.

Ku munota wa 48, Mugiraneza Froduard wa Kiyovu Sports yagerageje ishoti rikomeye yatereye inyuma y’urubuga rw’amahina ariko umunyezamu Rihungu arawufata.

Ku munota wa 58, Nzeyurwanda Djihad yakuyemo umupira wari utewe na Ntirushwa Aime habura umukinnyi wa Police FC wongezamo.

Uyu munyezamu yongeye kurokora ikipe ye ku munota wa 64 akuramo kufura yari itewe na Nkubana Marc ku ikosa ryari rikorewe Zidane hafi y’urubuga rw’amahina.

Ssekisambu yahaye umupira mwiza Mugenzi Bienvenue mu rubuga rw’amahina ku munota wa 69 ariko awuterana igihugunga uca hejuru y’izamu.

Kiyovu Sports yaje kubona igitego cya mbere ku munota wa 74 gitsinzwe na Ssekisambu Erissa kuri penaliti, ni ku ikosa Pacifique yakoreye Bigirimana Abedi mu rubuga rw’amahina.

Police FC yakomeje gushaka uko yishyura igitego ariko biranga, ni mu gihe Police FC yayishyize ku gitutu mu minota ya nyuma ndetse ibona amahirwe ariko umunyezamu Rihungu ababera ibamba. Umukino urangira ari 1-0.

Gahunda y’umunsi wa 13

Tariki ya 10 Ukuboza 2022

Kiyovu Sports 1-0 Police FC
Marines FC vsGorilla FC

Tariki ya 11 Ukuboza

AS Kigali vs Espoir FC
Mukura vs Bugesera FC
Musanze FC vs Gasogi United
Etincelles FC vs Rayon Sports
Sunrise FC vs Rwamagana City

Ku wa Mbere tariki ya 12 Ukuboza 2022

Rutsiro FC vs APR FC

)