AMAFOTO: Police FC ifashe umwanya wa mbere nyuma yo gutsinda Bugesera FC
Police FC ifashe umwanya wa mbere ku rutonde rw’agateganyo rwa shampiyona umwaka w’imikino wa 2019-2020, ni nyuma yo gutsinda Bugesera FC mu mukino w’umunsi wa 8 ibitego 2-1.
Ni umukino wabereye kuri stade Regional Nyamirambo, umutoza wa Bugesera FC, Bisengimana Justin yagiye gukina ari ku gitutu cy’uko natsindwa ashobora guhagarikwa kubera umusaruro muke, imikino 7 yatsinze 2, anganya 2 atsindwa 3.
Police FC yagiye gukina ibizi ko n’itsinda ihita ifata umwanya wa mbere n’amanota 18 kuko APR FC ya mbere ifite 17.
Police FC yatangiye isatira cyane maze ku munota wa 30 ku bwumvikane buke bwa myugariro n’umunyezamu Rihungu, Mico Justin yatsinze igitego cya mbere. Amakipe yagiye kuruhuka ari 1-0.
Igice cya kabiri nacyo Police FC yagitangiye isatira cyane ishaka igitego cya kabiri maze ku munota wa 53 Nshuti Dominique Savio atsinda igitego cya kabiri ku mupira yari ahawe na Iyabivuze Ose.
Police FC yagiye ikora impinduka, Mico Justin, Nshuti Dominique Savio na Iyabivuze Ose bavuye mu kibuga hinjiramo Uwimbabazi Jean Paul na Ntirushwa Aime
Bugesera FC yakomeje gushaka uburyo yishyura ibi bitego ndetse igenda ikora impinduka Mustafa Francis asimbura Nzabanita David, Kwitonda aha umwanya Kibengo Jimmy mu gihe Issa Zapy yahaye umwanya Peter Otema.
Izi mpinduka nta kintu zafashije Bugesera FC cyane kuko yaje kwishyura igitego kimwe cyatsinzwe na Rucogoza Djihad. Umukino urangira ari 2-1.
Gutsinda uyu mukino, Police FC ikaba yahise ifata umwanya wa mbere n’amanota 18, mu gihe APR FC ifite 17 ariko yo ikaba itarakina umunsi wa 8.
Dore imikino y’umunsi wa 8 yarangiye n’iteganyijwe
Ku wa Kabiri tariki ya 5 Ugushyingo 2019
Gasogi United 4-2 Sunrise FC (Stade de Kigali, 13h00)
Police FC 2-1 Bugesera FC (Stade de Kigali, Stade de Kigali, 15h30)
AS Muhanga 1-0 Etincelles FC (Stade Muhanga, 15h00)
Gicumbi FC 0-3 Musanze FC (Stade Mumena, 15h00)
Ku wa Gatatu tariki ya 6 Ugushyingo 2019
Heroes FC vs Espoir FC (Stade Bugesera, 15h00)
Mukura VS vs AS Kigali (Stade Huye, 15h00)
Rayon Sports FC vs Marines FC (Stade de Kigali, 18h00)
Ku wa Gatanu tariki ya 8 Ugushyingo 2019
SC Kiyovu vs APR FC (Stade de
)
Ibitekerezo