Ikipe ya Mukura Victory Sports itsinze Gasogi United yari itaratsindwa cyangwa ngo yinjizwe igitego ihita ifata umwanya wa mbere, ni mu gihe AS Kigali yatsinze Marines ibona itsinzi ya mbere ku munsi wa gatanu wa shampiyona.

AS Kigali yagiye gukina uyu mukino iri mu bihe bibi kuko mu mikino ine ibanza ya shampiyona yatsinzwe umwe inganya 3.

Yatangiye umukino isatira ikipe ya Marines cyane maze ku munota wa 12 Ibra atsinda igitego cya mbere ku mupira yari ahawe na Haruna Niyonzima.

AS Kigali yakomeje gushaka uburyo itsinda ibindi bitego, Marines FC nayo ishaka kwishyura ariko igice cya mbere kirangira ari 1-0.

AS Kigali yakomeje gushaka ibindi bitego ariko umukino urangira ari 1-0.

Ikipe ya Mukura Victory Sports i Huye yari yakiriye Gasogi United yari itaratsindwa umukino umukino n’umwe ndetse itarinjizwa.

Umukino waje kurangira Gasogi United itsinzwe umukino wa mbere aho Mukura VS yayitsinze ibitego 2-1. Mukura yahise ifata umwanya wa mbere n’amanota 11 inganya na Police ariko yo ikaba izigamye ibitego 7 mu gihe Police FC ari 6.

Dore imikino y’umunsi 5 yose iteganyijwe n’iyarangiye

Ku wa Gatanu tariki ya 25 Ukwakira 2019

Police FC 2-0 Heroes FC (Stade de Kigali, 15h00)
SC Kiyovu 1-0 Gicumbi FC (Mumena Stadium, 15h00)
Espoir FC 2-1 Musanze FC (Stade Huye, 15h00)

Ku wa Gatandatu tariki ya 26 Ukwakira 2019

Mukura VS 2-1 Gasogi United (Stade Huye, 15h00)
Bugesera FC 0-2 Etincelles FC (Stade Bugesera, 15h00)
AS Kigali 1-0 Marines FC (Stade de Kigali, 15h00)
Sunrise FC 2-1 Rayon Sports FC (Stade Nyagatare, 15h00)

Ku Cyumweru tariki ya 25 Ukwakira 2019

APR FC vs AS Muhanga (Stade de Kigali, 15h00)

)