Nyuma yo kunyagira Union Sportive Gendarmerie Nationale (USGN) 4-0, Simba SC ya Meddie Kagere yabonye itike yo gukina ¼ cya CAF Confederation Cup.
Ku munsi w’ejo hashize ku Cyumweru nibwo hakinwe umunsi wa nyuma w’amatsinda mu mikino Nyafurika (CAF Confederation Cup na CAF Champions League).
Mu itsinda D muri CAF Confederation Cup, Simba SC yo muri Tanzania ikinamo umunyarwanda Meddie Kagere yanyagiye USGN yo muri Nigeria 4-0 ihita ibona itike ya ¼ cy’iyi mikino.
Uyu mukino umunyarwanda Meddie Kagere yabanje ku ntebe y’abasimbura, ibitego bya Simba SC byatsinzwe na Sadio Kanouté, Crispin Kope Mugalu atsinda 2 na Saidi Hamisu.
Muri iri tsinda Simba SC yazamukanye na RS Berkane zose zifite amanota 10, itsinda A hazamutse Al Ahly Tripoli na Pyramids zose zifite 13, itsinda B hakomeje Orlando Pirates n’amanota 13 ndetse na Al-Ittihad ifite 11 ni mu gihe mu itsinda C hazamutse TP Mazembe n’amanota 11 na Al Masry ifite 10.
Muri CAF Champions League mu itsinda A hazamutse Mamelodie Sundowns n’amanota 16, Al Ahly n’amanota 10, itsinda B Raja Casablanca yazamutse iyoboye n’amanota 15, ES Sétif izamukana ifite amanota 9, mu itsinda C, ES Tunis n’amanota 14, CR Belouizdad yazamukanye 11, Wydad AC mu itsinda D yakomeje ifite 15 aho yazamukanye na Petro de Luanda ifite 11.
Ibitekerezo