Mu rugendo rwo gushaka itike ya CHAN 2023 Amavubi y’u Rwanda yisanze mu nzira irimo Ethiopia yasezereye inshuro 2 ziheruka mu gushaka itike ya CHAN.

Kuri iyi nshuro amakipe azitabira CHAN yavuye kuri 16 agirwa 18. Mu rugendo rwo gushaka itike y’iki gikombe, Amvubi azatangirira mu ijonjora rya 2.

Ibihugu 9 bigize akarere k’Afurika y’Iburasirazuba, 6 ari byo; Ethiopia, Sudani y’Epfo, Somalie, Tanzania, Burundi na Djibouti ni byo bizakina ijonjora rya mbere.

Ni mu gihe u Rwanda, Uganda na Sudani zizahura n’amakipe atatu azakomeza mu cyiciro cya kabiri.

Mu ijonjora rya rya mbere, Ethiopia izahura na Sudani y’Epfo izakomeza ihure n’u Rwanda, Somalia izahura na Tanzania ikomeje ihure na Uganda ni mu gihe izakomeza hagati y’u Burundi na Djibouti izahura na Sudani. Amakipe 3 azatsinda niyo azabona itike ya CHAN.

Mu gihe Amavubi yahura na Ethiopia, yaba ari inshuro ya 3 yikurikiranya bahuye mu ijonjora rya nyuma ryo gushaka itike ya CHAN, mu gushaka itike ya 2018 u Rwanda rwasezereye Ethiopia ku giteranyo cy’ibitego 3-2 ni mu gihe mu gushaka itike ya CHAN 2020, Amavubi yasezereye Ethiopia ku giteranyo cy’ibitego 2-1.

Urugendo rwo gushaka itike ya CHAN 2023 ruteganyijwe hagati ya tariki 24 Kamena kugeza ku wa 2 Nzeri 2022.

Biteganyijwe ko iki gikombe kizabera muri Algeria kuva tariki ya 2 kugeza 31 Mutarama 2023.

Mu gushaka itike ya 2018 u Rwanda rwari rwasezereye Ethiopia

Amavubi kandi yari yasezereye Ethiopia mu gushaka itike y'igikombe cya CHAN 2020

)