Rutahizamu wa Mannchester United ukomoka muri Portugal, Cristiano Ronaldo yamaze kuba umuntu wa mbere ku Isi wujuje abamakurikira kuri Instagram miliyoni 500.

Ashyizeho aka gahigo mu gihe muri Gashyantare 2022 ari bwo yari yujuje miliyoni 400 z’abantu bamukurikira kuri Instagram.

Yujuje izi miliyoni nyuma y’ifoto nk’iy’ikinyejana yashyizeho ari kumwe na Lionel Messi yavugishije abantu benshi ndetse binavugwa ko ari yo foto yaciye agahigo ko gukundwa “likes” cyane mu gihe gito aho umunsi umwe ubu imaze kugira izirenga miliyoni 35.

Yujuje abamukurikira miliyoni 500 nyuma y’imyaka 10 gusa atangiye gukoresha urubuga rwa Instagram, kugeza ubu akurikirwa na miliyoni 500 n’ibihumbi birenga 470.

Cristiano Ronaldo akaba akurikirwa na Lionel Messi ukinira PSG akaba akomoka muri Argentine uri ku mwanya wa 2 aho akurikirwa na miliyoni 376.

Cristiano Ronaldo yujuje miliyoni 500 z'abantu bamukurikira

Ni nyuma y'ifoto y'amateka

Cristiano yashyizeho agahigo ku Isi

)