Ubuyobozi bwa AS Kigali buvuga ko bumaze gukoresha asaga miliyoni 80 igura abakinnyi muri uyu mwaka wa 2020.

AS Kigali ni imwe mu makipe akomeje kwiyubaka yitegura umwaka w’imikino wa 2020-2021, aho yaguze abakinnyi batandukanye ndetse inongerera abandi amasezerano.

Ku munsi w’ejo ni bwo iyi kipe yasinyishije myugariro mpuzamahanga w’umunyarwanda, Emery Bayisenge amasezerano y’umwaka umwe.

Nyuma yo gusinyisha uyu mukinnyi, perezida w’iyi kipe Shema Fabrice yavuze ko kuva muri Muatarama iyi kipe imaze gukoresha amafaranga arenga miliyoni 80 ku isoko.

Yagize ati"ntabwo nonaha mfite imibare y’amafaranga tumaze gukoresha, gusa guhera mu kwezi kwa Mbere uyu mwaka ku isoko tumaze gukoresha amafaranga arenga miliyoni 80."

AS Kigali muri uyu mwaka imaze kugura abakinnyi batandukanye nka Hakizimana Muadjiri, Emery Bayisenge, Shabani Hussein Tchabalala, Rugirayabo Hassan. Yongereye amasezerano abakinnyi barimo Rusheshengoga Michel, Bishira Latif na Rurangwa Mossi.

Ku munsi w'ejo basinyishije Emery Bayisenge

)