Rutahizamu w’umurundi uherutse kugurwa na Rayon Sports, Nihoreho Arsene yamaze gutizwa ikipe ya Bugesera FC, ni nyuma yo gukemanga ubushobozi bwe.

Mu mpera za Kamena 2020 ni bwo Rayon Sports yasinyishije uyu rutahizamu watsinze ibitego 17 mu mwaka w’imikino wa 2019/2020 ndetse aba uwa 3 mu batsinze ibitego byinshi i Burundi.

Nyuma y’uko ubuyobozi bwa Rayon Sports bwari buyobowe na Sadate bwamuguze buvuyeho, uyu musore Ntazakinira iyi kipe kuko bivugwa ko yamaze gutizwa.

Amakuru avuga ko uyu rutahizamu yamaze gutizwa ikipe ya Bugesera FC umwaka umwe akabanza akizamurira urwego, bitewe n’uko yazitwara mu mwaka w’imikino wa 2020-2021, nyuma akaba ari bwo yazajya muri Rayon Sports.

Umunyamabanga wa Bugesera FC, Sam Karenzi akaba yavuze ko ibyo biganiro bihari ariko ataraba umukinnyi wa Bugesera FC ariko barimo kuvugana na Rayon Sports.

Nta gihindutse Nihoreho Arsene azakinira Bugesera FC

)