Ikipe ya APR FC yatsinze Marines FC ihita yisubiza umwanya wa mbere, ni mu gihe Gasogi United yanganyije na Police FC ubusa ku busa ihita yuzuza imikino 4 itarinjizwa igitego muri shampiyona.

Uyu munsi hakomezaga imikino y’umunsi wa kane wa shampiyona y’icyiciro cya mbere umwaka w’imikino wa 2019-2020.

Kuri stsde Umuganda i Rubavu ikipe ya Marines FC yari yakiriye APR FC yari iya kabiri ku rutonde rwa shampiyona n’amanota 7 inyuma ya Mukura VS yari ifite amanota 8.

APR FC yaje gutsinda uyu mukino ku bitego 2-1, ni ibitego byatsinzwe na Danny Usengimana ku munota wa 20, ndetse na Nizeyimana Djuma ku munota wa 73 kuri penaliti. Igitego kimwe rukumbi cya Marines cyatsinzwe na Muzerwa Amini.

Kuri stade Mumena ikipe ya Gasogi United yari yakiriye Police FC maze umukino urangira amakipe yombi aguye miswi y’ubusa ku busa, maze Gasogi United ihita yuzuza imikino 4 itinjizwa igitego kuko kuva shampiyona yatangira nta kipe irayitsinda igitego.

Gutsinda kwa APR FC byatumye ihita ifata umwanya wa mbere n’amanota 10, Mukura VS ifite 8, mu gihe Rayon Sports igiye kwakira Bugesera FC ifite amanota 7.

Mu kanya saa 18:00’ kuri stade ya Kigali i Nyamirambo, Rayon Sports igiye kwakira Bugesera FC.

APR FC ikuye amanota 3 i Rubavu

Dore imikino y’umunsi wa 4 iteganyijwe n’iyarangiye

Ku Cyumweru tariki ya 20 Ukwakira 2019

Heroes FC 2-1 AS Muhanga
Sunrise FC 4-1 Espoir FC
Musanze Fc 1-1 SC Kiyovu
Gicumbi FC 1-3 Mukura VS

Ku wa Kabiri tariki ya 22 Ukwakira 2019

Rayon Sports FC vs Bugesera FC (Stade de Kigali, 18h00)
Gasogi United 0-0 Police FC (Mumena Stadium, 15h00)
Marines FC 1-2 APR FC (Stade Umuganda, 15h00)

Ku wa Gatatu tariki ya 22 Ukwakira 2019

Etincelles FC vs AS Kigali (Stade Umuganda, 15h00)

)