Umuhanzi nyarwanda usanzwe ukorera umuziki we muri Lete Zunze Ubumwe za Amerika, Ngabo Medard uzwi nka Meddy ubu uri mu Rwanda, ari mu maboko ya polisi aho akurikiranyweho icyaha cyo gutwara imodoka yasinze, akaba azahinisha igifungo cy’iminsi 5.

Uyu musore akaba acumbikiwe kuri sitasiyo ya polisi i Remera, ni nyuma yo gufatwa n’abashinzwe umutekano yanyonye ibisindisha birenze.

Umuvugizi wa polisi mu mujyi wa Kigali, CIP Umutesi Marie Gorette akaba yeremereye ISIMBI ko ayo makuru ari yo ndetse ko ari buhanwe hakurikijwe amategeko.

Yagize ati"ayo makuru niyo, yafatiwe i Remera saa munani z’ijoro atwaye imodoka yanyoye ibisindisha byinshi. Ubu acumbikiwe kuri sitasiyo ya polisi i Remera."

Yakomeje avuga ko nawe agomba guhanwa nk’abandi kuko nta muntu uri hejuru y’amategeko.

Yagize ati"abakeka ko ashobora guhita afungurwa kuko ari umuntu uzwi baribeshya cyane, nta muntu n’umwe uri hejuru y’amategeko, agomba guhanwa kimwe n’abandi bose bafashwe batwaye banyoye ibisindisha."

Yakomeje avuga ko nk’uko amategeko abiteganya, umuntu wese ufashwe atwaye imodoka yanyoye ibisindisha, afungwa iminsi itanu, akanatanga ihazabu y’amafaranga ibihumbi 150 Frw, ibi nibyo bizakurikizwa ku muhanzi Meddy.

Meddy arafunzwe

)