Nyuma y’uko kapiteni w’ikipe y’igihugu, Haruna Niyonzima na Kimenyi Yves bagonzwe n’ikibazo cy’ibyangombwa, ntabwo bari bukine umukino ubanza w’ijonjora rya nyuma ryo gushaka itike ya CHAN 2020 u Rwanda rugiye gukina na Ethiopia.

Aba basore bombi bagonzwe n’ikibazo cy’ibyangombwa aho muri CAF basanze bafite imyirondoro irenze umwe, biba ngombwa ko babanza kureba uburyo byakosorwa, kugeza uyu munsi n’ubwo batanze imyirondoro nyayo yabo muri CAF ntabwo irabasubiza, bivuze ko batari bukine.

Uyu mukino ubanza w’ijonjora rya nyuma ryo gushaka itike y’igikombe cy’Afurika cy’abakinnyi bakina imbere mu bihugu byabo ’CHAN 2020’ kizabera muri Cameroun, Amavubi arakina na Ethiopia saa 15:00’ za hano mu Rwanda.

Ni umukino uri bubere kuri Mekelle Stadium, ni mu gihe umukino wo kwishyura uteganyijwe i Kigali tariki ya 19 Ukwakira 2019.

Kubura aba bakinnyi, byatumye Mashami Vincent akora impinduka 2, Bakame ajya mu mwanya wa Kimenyi Yves, ni mu gihe Sefu yagiye mu mwanya wa Haruna Niyonzima.

Dore 11 bagiye kubanzamo

Ndayishimiye Eric Bakame, Omborenga Fitina, Imanishimwe Emmanuel, Mutsinzi Ange, Manzi Thierry, Nshimiyimana Amran, Niyonzima Olivier Sefu, Nsabimana Eric Zidane, Iranzi Jean Claude, Manishimwe Djabel na Sugira Ernest.

Kimenyi na Haruna ntibari bukine uyu mukino

Bakame ni we uri bube ari kapiteni kuri uyu mukino

)