Umuherwekazi w’umugande, Zari Hassan yise imburamukoro abantu bagize igitaramo umwambaro we w’imbere, ni nyuma y’uko yabyinnye akizihirwa ikanzu ikazamuka.

Mu minsi ishize nibwo ku mbuga nkoranyambaga hacicikanye amashusho ya Zari arimo abyina maze ikanzu y’umweru yari yambaye ikazamuka, ku bwa mahirwe mabi ye igaragaza umwenda w’imbere yari yambayemo.

Ni ikanzu y’umweru, imbere yari yambayeho umwenda w’umukara (black underwear), kuva icyo gihe yatangiye kuba igitaramo benshi bamunenga kwambara umwenda w’umukara mu ikanzu y’umweru.

Mu mashusho yifashe, Zari yavuze ko atumva ukuntu uyu mwenda we wabaye igitaramo ku mbuga nkoranyambaga, ndetse anavuga impamvu yambaye umukara mu mweru.

Ati “Sinzi impamvu umwambaro wanjye w’imbere ari yo nkuru yakwirakwiye, abantu bibaza impamvu nari nambaye uw’umukara, nari namabaye ikanzu y’umweru, reka mbabwire mujye mukoresha ubwenye cyangwa inyurabwenge, ntabwo wakambara umwenda w’imbere w’umweru mu ikanzu y’umweru.”

Yakomeje kandi avuga ko abakomeje gukuririza ibi bintu ku mbuga nkoranyambaga, ari imburamikoro zabuze akazi.

Ati “Ntangazwa n’abandi bantu bafata ibintu bidafite amaso, umutwe n’ikibuno, ntibifite imbere n’inyuma mukabifata nk’imitwe y’inkuru, mwabuze akazi pe.”

Akaba yabagiriye inama yo gushaka akazi ko gukora kabahemba buri kwezi, ngo umwanya bamara bamushoramo bakawufashe ari bo bishoramo imari kuko ari ibyo bizabungukira.

Ikanzu yaramutamaje umwenda w'imbere uragaragara atabiteguye

Ngo ntabwo yumva impamvu umwenda we w'imbere wabaye igitaramo ku mbuga nkoranyambaga

View this post on Instagram

A post shared by Mbu.ug (@mbu.ug)

)