Umuhanzikazi w’umunya-Kenya, Tanasha Donna yatunguranye ava mu kiganiro kitarangiye kubera ko yari abajijwe ibyo guteretana n’umuhanzi wo muri Nigeria, Omah Lay.

Kuva mu mpera z’umwaka ushize nibwo hatangiye kuvugwa inkuru y’uko uyu mukobwa wabyaranye na Diamond Platnumz yaba ari mu Rukundo n’umuhanzi wo muri Nigeria, Omah Lay, gusa impande zombi zirinze kuba zagira icyo zibivugaho.

Mu mashusho yagiye hanze, agaragaza Tanasha Donna ubwo yari abajijwe n’umunyamakurukazi wo muri Kenya, Kalondu Musyimi niba koko ibihuha by’uko akundana na Omah Lay ari ukuri, undi yanze kugisubiza ndetse ahita atungurana ava mu kiganiro arigendera, yasize agize ati “bitari uyu munsi mukundwa!”

Tanasha yakundanye na Diamond baza gutandukana muri 2020 nyuma yo kubyarana umwana, nyuma yaho ntiyakunze kuvugwa mu rukundo cyane kugeza umwaka ushize bivugwa ko akundana na Omah Lay.

Tanasha Donna yatunguranye ava mu kiganiro kitarangiye abajijwe ku rukundo rwe na Ommah Lay

Ommah Lay wavuzwe ko akundana na Tanasha Donna

)