Myugariro mpuzamahanga w’umunyarwanda, Rwatubyaye Abdul yamaze gusinyira ikipe ya Brera Strumica ikina mu cyiciro cya mbere muri Macedonia.
Ni nyuma y’uko tariki ya 31 Kanama 2024 yari yatandukanye na FC Shkupi FC na yo yo muri iki gihugu nyuma y’amezi 7.
Brera Strumica ibinyujije ku mbuga nkoranyambaga za yo yatangaje ko yishimiye guha ikaze uyu myugariro w’Umunyarwanda uheruka gutandukana na FC Shkupi.
Nyuma y’umunsi wa 4 iyi kipe iri ku mwanya wa 11 mu makipe 12 n’amanota 3, ni mu gihe Shkëndija ya mbere ifite 10.
Abdul Rwatubyaye yakiniye Rayon Sports imyaka 3 kuva 2016-2019 ari nabwo yavaga mu Rwanda yerekeza mu ikipe ya Kansas City ikaza kumutiza muri Swope Park Rangers, nyuma yagiye muri Colorado Rapids na yo imutiza muri Colorado Switchbacks, yayivuyemo yerekeza muri FC Shkupi atandukana na yo muri 2022 agaruka muri Rayon Sports yavuyemo muri Gashyantare uyu mwaka asubira muri Macedonia.
Ibitekerezo