Ku munsi w’ejo Rayon Sports izakina umukino wa gicuti na Police FC, uzaba ari umukino wa mbere w’umutoza Jorge Paixão uheruka kwerekanwa n’iyi kipe.

Ku wa Kane w’iki cyumweru nibwo Rayon Sports yatangaje abatoza bashya b’iyi kipe b’abanya-Portugal, Jorge Paixão n’umwungiriza we, Pedro Miguel.

Mu rwego rwo kureba ikipe bafite bagiye gukoresha mu mikino yo kwishyura ya shampiyona ya 2021-22, Rayon Sports yateguye umukino wa gicuti na Police FC.

Ni umukino uzaba ku munsi w’ejo ku wa Gatandatu ukaba uzabera kuri Stade Regional i Nyamirambo saa 15h.

Rayon Sports ikaba yamaze gushyira hanze ibiciro byo kwinjira kuri uyu mukino aho kwinjira ari 10000 frw, 6000 frw, 3000 frw na 2000 frw.

Jorge Paixão umutoza mukuru wa Rayon Sports azaba atoza umukino we wa mbere iyi kipe

Pedro Miguel na we azaba atoza umukino we wa mbere

Rayon Sports izakina na Police FC ku munsi w'ejo

)