Kera kabaye ikipe ya Rayon Sports yamaze gusinyisha umunyeza Kwizera Olovier amasezerano y’umwaka umwe binyuze muri Rocket Fan Club.

Amasezerano ya Kwizera Olivier muri Rayon Sports yarangiye mu Kwakira 2021, iyi kipe yo yavugaga ko amasezerano ye yahise yiyongeraho undi mwaka umwe kuko imwe mu ngingo zari zigize amasezerano ariko zavugaga ko narangira bataravugana azongera guhabwa ibyo yahaye agakomeza akazi nta yandi mananiza.

Uyu musore mu minsi ishize yabwiye ISIMBI ko ayo masezerano atayasinye cyane ko akimara no gusinya yimwe kopi y’amasezerano ye.

Mu kiganiro aheruka kugirana n’ikinyamakuru ISIMBI, yemeye ko yicaranye na Rayon Sports akababwira icyo yifuza bakamubwira ko bo bagomba gukurikiza ibiri mu masezerano ye, avuga ko yanze gutera amahane arabyemera ariko amafaranga yo kumwishyura arabura ari nayo mpamvu yanze gutangira imyitozo atarishyurwa ndetse ko igihe cyose atabonye miliyoni ze 8 atari gutangira imyitozo.

Abafana ba Rayon Sports bibumbiye mu itsinda rya Rocket, mu gitondo cyo kuri uyu wa Kabiri tariki ya 30 Ugushyingo, bafashe umwanzuro wo gusinyisha uyu mukinnyi aho bamwishyuye miliyoni 4 andi akazayahabwa tariki ya 30 Ukuboza 2021 na we yemera gusinya.

Rayon Sports nayo ibinyujije ku rukuta rwayo rwa Twitter, yemeje ko uyu munyezamu yahisemo gukomezanya na Rayon Sports.

✍️We can confirm that goalkeeper Kwizera Olivier has extended his stay with the blue family!🔵⚪️

Thank you so much Rockets Fanclub for your supports.#Gikundiro #OneTeamOneDream #OlivierSigns pic.twitter.com/9HBjlqzxyo

— Rayon Sports Official (@rayon_sports) November 30, 2021

Yemeye kugaruka muri Rayon Sports

Fan Club ya Rockets niyo yatanze amafaranga yo kumusinyisha

Kwizera Olivier asinyira Rayon Sports

)