Ikigo cy’Igihugu cy’Iterambere (RDB) cyatangaje ko cyaciye amande Hoteli ya Hilltop kubera amakosa yakozwe muri Tour du Rwanda 2022.

Guhera tariki ya 20 Gashyantare kugeza 27 Gashyantare mu Rwanda haberaga Tour du Rwanda 2022 yegukanywe n’umunya-Eritrea, Tesfazion Natnael.

Nyuma y’uko iri siganwa rirangiye, Ikigo cy’Igihugu cy’Iterambere cyasanze imwe mu mahoteli yari afite isoko ryo gucumbikira abakinnyi muri iri siganwa hari amakosa yakoze maze icibwa amande.

Binyuze ku rukuta rwayo rwa twitter, RDB yavuze ko Hilltop Hotel yaciwe amande y’ibihumbi 300 by’amafaranga y’u Rwanda.

Yagize iti “hakurikijwe serivisi zitari nziza zatanzwe na Hilltop Hotel n’akabyiniro kayo (Country Club) muri Tour du Rwanda iheruka kuba, Ikigo cy’Igihugu cy’Iterambere (RDB) kiragira ngo kimenyesha abantu bose ko yaciwe amande y’ibihumbi 300 by’amafaranga y’u Rwanda ikanihanangirizwa.”

Mu gihe cya Tour du Rwanda muri iyi Hoteli habaga amakipe atandukanye arimo Benediction Ignite yo mu Rwanda, ProTouch yo muri Afurika y’Epfo n’andi.

ANNOUNCEMENT
Following reports of poor service delivery by Hotel Hilltop and Country Club during the just concluded Tour du Rwanda, Rwanda Development Board would like to inform the general public that the establishment has been fined Rwf 300,000 and issued a warning. pic.twitter.com/auvOx6TnzH

— Rwanda Development Board (@RDBrwanda) March 1, 2022

Hilltop Hotel yaciwe amande

)