Nyuma y’uko myugariro w’umunyarwanda Imanishimwe Emmanuel Mangwende amaze kwerekanwa mu ikipe ya FAR Rabat(ASFAR), yavuze ko azatanga imbaraga ze zose afite kugira ngo afashe iyi kipe kandi ashimira buri wese wamufashije.
Uyu musore wari usanzwe akina ku ruhande rw’ibumoso yugarira mu ikipe ya APR FC, yerekeje muri Maroc gusinyira iyi kipe tariki ya 1 Kanama 2021.
Nyuma yo kuyisinyira amasezerano y’imyaka 3, akaba yahise anerekanwa, ni mu mashusho yashyizwe hanze afite iminota hafi ibiri.
Uyu myugariro akaba yazengurukijwe inzu y’iyi kipe yerekwa amateka y’iyi kipe arimo n’ibikombe imaze kwegukana.
Mangwende akaba yavuze ko yishimiye kuza muri iyi kipe ndetse azi neza ko azatanga imbaraga ze zose agafasha iyi kipe yamugiriye icyizere.
Ati "Ndi hano, nishimiye cyane kuba ndi hano muri ASFAR, nzatanga buri bushobozi n’imbaraga zanjye muri iyi kipe kugira ngo izamuke. Ndashimira buri umwe, ndabifuriza ibyiza muri iki gihugu, muri iyi kipe. Dima- ASFAR.”
ثاني الإنتدابات الرسمية للزعيم
مرحبا إمانويل مانيشيموي لاعب المنتخب الوطني الرواندي
قادما من نادي FC APR
Bienvenue a Emmanuel Imanishimwe , notre 2 eme Recrue , défenseur ( arrière gauche ) 26 ans , Rwandais en provenance de APR FC #VamosAsFar ❤️💣🟢 🇷🇼https://t.co/SxbH85w6bv pic.twitter.com/QwgmyWa8Q8— AS-FAR.COM Since 2001 . (@AsFaRabatcom) August 4, 2021
Mangwende w’imyaka 26 akaba yarasinyiye iyi kipe imyaka 3 atanzweho amadorali ibihumbi 430 harimo ibihumbi 130 bya APR FC.
Agiye gukinira iyi kipe nyuma y’imyaka 5 akinira APR FC yagezemo 2016 avuye muri Rayon Sports.
Ibitekerezo