Umwongereza Adele n’umugabo we Simon Konocki bafashe umwanzuro wo gutandukana buri wese agaca inzira ze.

Adele na Simon Konecki batandukanye nyuma y’uko bari bamaze imyaka irindwi barushinze.

Uyu mugore w’imyaka 30 na Simon Konecki w’imyaka 45 bemeje ibya gatanya yabo biciye mu bavugizi babo Benny Tarantini na Carl Fysh.

Mu butumwa bahaye Associated Press, abavugizi ba Adele na Simon bagize bati “Adele n’umugabo we bamaze gutandukana. Ubu bagiye gukomeza gufatanya kurera umwana wabo. Nk’uko bisanzwe barifuza ko ubuzima bwabo bwite butavogerwa. Nta kindi kizatangazwa nyuma ya hano.”

Adele na Simon batangiye gukundana mu mpera za 2011, iby’urukundo rwabo babanje kubigira ibanga.

Aba bombi bemereye itangazamakuru ko barushinze mu birori bya Grammy Awards ya 2017 mu ijambo Adele yavuze ashimira abamufashije.

Adele n'umukunzi we bari bamaze imyaka irindwi babana

Adele na Simon batandukanye bafitanye umwana w’umuhungu w’imyaka itandatu witwa Angelo.

)