Umukinnyi w’umunyarwanda ukina mu kibuga hagati mu ikipe ya Sandvikens IF muri Sweden, Mukunzi Yannick yashimiwe n’ikipe ye nyuma yo kuyikinira imikino 100.

Yannick Mukunzi wageze muri iyi kipe muri 2019 iri mu cyiciro cya gatatu muri Sweden akaba yarayifashije kuzamuka mu cyiciro cya kabiri akaba ari cyo ikinamo muri uyu mwaka w’imikino wa 2024-25.

Ejo hashize ku Cyumweru tariki ya 26 Kanama 2024 nyuma y’umukino wa shampiyona banyagiye Trelleborg 4-0 iyi kipe yashimiye abakinnyi babiri ba yo bujuje imikino 100 bayikinira.

Emil Patrik Engqvist umunya-Sweden ukina mu kibuga hagati ndetse na Yannick Mukunzi ni bo bashimiwe kuba bamaze gukinira Sandvikens IF imikino 100.

Bashimiwe nyuma y’uko Yannick Mukunzi atahirwe n’uyu mwaka w’imikino kuko nyuma yo gukiruka imvune yari afite mu mwaka w’imikino ushize, muri uyu mwaka akaba yarongeye kugira imvune.

Aheruka mu kibuga tariki ya 16 Kamena 2024 mu mukino wa shampiyona w’umunsi wa 12 batsinzemo Oddevold 2-0, yinjiye mu kibuga ku munota wa 62 asimbura Małachowski Thorell.

Emil Patrik Engqvist (ubanza ibumoso) na Yannick Mukunzi (iburyo) bashimiwe na Sandvikens kuba bamaze kuyikinira imikino 100

)