Umunyarwenya Patrick Idringi [Salvado] uri mu bakunzwe mu karere yakoze ibirori gakondo we n’umugore we biyerekana mu muryango mu muhango wabaye tariki ya 3 Werurwe 2019.

Patrick Idringi Salvado yari amaze imyaka itanu akundana n’umukunzi we Daphine Frankstock. Mu gihe bari bamaranye ntibigeze bakora ubukwe ndetse bari batarirega mu miryango yombi.

Ibi birori gakondo bizwi nka ‘Kukyala’ bya Salvado n’umugore we Daphine Frankstock byabereye kwa sebukwe ahitwa Bunga mu Mujyi wa Kampala.

Mu baherekeje Salvado harimo umunyamakuru Andrew Kyamagero, Balaam Byarugahara usanzwe utegura ibitaramo n’abandi batandukanye.

Salvado yanditse kuri Instagram ati “Ku itariki ya 3 Werurwe niyerekanye mu muryango wo kwa databukwe […] Byari ibirori bikomeye, navuga ko byari iby’agaciro, nabonye umwamikazi.”

Uyu munyarwenya na Daphine Frankstock basanzwe bafitanye abana babiri. Mu kwezi gushize nibwo Salvado yambitse Dalphine impeta ndetse kuri ubu bijeje ababyeyi ko bagiye guhita bategura ubukwe bwa gikirisitu.

Salvado ategerejwe mu gitataramo cy’urwenya cya Seka Fest kizabera i Kigali ku itariki ya 20 Werurwe 2019.

)