Rutahizamu w’umunya-Senegal ukinira ikipe ya Liverpool mu Bwongereza, Sadio Mane ni we watowe nk’umukinnyi mwiza w’umwaka wa 2019 muri Afurika ahigitse ibindi bihangange birimo Mohammed Salah bakinana.
Ni umuhango waraye ubaye mu ijoro ryacyeye tariki ya 7 Mutarama 2020 ubera i Hurghada mu Misiri.
Ni umuhango wari uyobowe na Samuel Eto’o FIls, umunya-Cameroun wabaye umukinnyi mpuzamuhanga, byarangiye igihembo cyegukanywe na Sadio Mane ukinira Liverpool aho yahigitse umunyamisiri bakinana, Mohammed Salah ndetse n’umunya-Ageria ukinira Man City, Ryad Mahrez.
Sadio Mane yabonye amajwi 477, Moammed Salah ufite iki gikombe inshuro 2 ziheruka abona 325 ni mu gihe Ryad Mahrez afite 267.
Umunya-Nigeria Asisat Oshoala, ni we wabaye umukinnyi w’umwaka mu bagore.
Umunya-Nigeria Asisat Oshoala, utoza ikipe y’igihugu ya Cameroun ni we watowe nk’umutoza w’umwaka.
Ikipe y’igihugu y’abagore ya Cameroun ni yo yatowe nk’ikipe y’umwaka, ni mu gihe mu bagabo hatowe iy’Algerie yegukanye igikombe cy’Afurika cya 2019.
Umunya-Maroc Achraf Hakimi w’imyaka 22 ukinira Borussia Dortmund ni we watowe nk’umukinnyi w’umunyafurika ukiri muto.
Ikipe y’umwaka:André Onana, Serge Aurier, Joel Matip, Khalidou Koulibaly, Achraf Hakimi, Idrissa Gana Gueye, Riyad Mahrez, Hakim Ziyech, Mohamed Salah, Pierre Emerick Aubameyang na Sadio Mané.
Ibitekerezo