Rayon Sports yemeje ko yamaze gutandukana n’uwari umutoza mukuru w’iyi kipe, umunya-Mexique, Javier Martinez Espinoza, ni nyuma yo gutsindwa na mukeba APR FC mu mpera z’icyumweru gishize.

Muri Nzeri 2019, nibwo Rayon Sports yemeje uyu mutoza nk’umutoza mukuru ugiye kuyitoza muri uyu mwaka w’imikino.

Mu gitondo cyo kuri uyu wa Kabiri nibwo iyi kipe ibinyujije ku rubuga rwayo rwa Twitter yatangaje ko yatandukanye na Espinoza.

Rayon Sports has parted ways with the Javier Martinez Espinoza who has been in the club for three months...

We reached an agreement with the Mexican to terminate his contract as head coach...

More to follow...#Gikundiro pic.twitter.com/mDgJqwj10u

— Official Rayon Sports (@rayon_sports) December 24, 2019

Uyu mutoza akaba ashinjwa umusaruro muke, kugirana ibibazo n’abakinnyi byatumye adakinisha Kakule Mugheni Fabrice ku mukino yatsinzwemo na APR FC.

Umuvugizi w’ikipe ya Rayon Sports, Nkurunziza Jean Paul yavuze ko bamaze gutandukana, bakaba bagiye kureba icyo amategeko asaba bakabikurikiza.

Yagize ati"Ubuyobozi bwa Rayon Sports bwatandukanye na Javier Martinez Espinoza ku bwumvikane. Hari ibyo amasezerano dufitanye adusaba mu gihe cyo gutandukana, turaza gukurikiza icyo amategeko ateganya dutandukane neza.”

Amakuru avuga ko ari abakinnyi, abatoza bafatanya ndetse n’ubuyobozi bwa Rayon Sports bwamusabye gukinisha uyu musore kuko ari umusore ufite ubunararibonye, umuze gukina uyu mukino inshuro nyinshi(Classico), gusa yabimye amatwi ababwira ko ibyo akora abizi ndetse ko natsindwa azabyirengera.

Nyuma yo gustindwa uyu mukino wabaye tariki ya 21 Ukuboza 2019 ibitego 2-0, perezida wa Rayon Sports yatangaje ko bemeye ko batsinzwe ariko bakaba hari ibyemezo bagiye gufata.

Espinoza asize Rayon sports ku mwanya 3 n’amanota 31 muri shampiyona. mu mikino 15 yatoje ya shampiyona, yatsinze imikino 9, anganya 4 atsindwa 2.

Martinez yamaze gutandukana na Rayon Sports

)