Police FC inganyije na Mukura VS ibitego 2-2 mu mukino w’umunsi wa 13 wa shampiyona, ni mu gihe Rayon Sports yatsinze Heroes 4-1.

Kuri iki Cyumweru nibwo hakomezaga imikino y’umunsi wa 13 wa shampiyona y’icyiciro cya mbere mu Rwanda umwaka w’imikino wa 2019-2020, nyuma y’imikino yabaye ku munsi w’ejo, indi yose yabaye uyu munsi, uyu munsi ukaba usize APR FC ari yo iyoboye urutonde.

Police FC yari yakiriye Mukura VS mu mukino w’umunsi wa 13 wabereye i Nyamirambo saa 13:00’.

Police FC yatangiye igice cya mbere ifite imbaraga nyinshi ishaka igitego hakiri kare maze ku manota 2 Songa Isai atsinda igitego cya mbere, ku munota wa 38 ashyiramo icya 2 maze igice cya mbere kirangira ari 2-0.

Mukura yatangiye igice cya kabiri ishaka kwishyura ibi bitego maze ku munota wa 66, Muniru Abdul Rahman winjiye mu kibuga asimbuye Lomami Frank, yabatsindiye igitego cya mbere ku makosa ya ba myugariro ba Police FC bananiwe gukuraho umupira imbere y’izamu.

Ku munota wa 87 Iradukunda Jean Bertrand yatsindiye Mukura Victory Sports igitego cya kabiri nyuma yo gucenga myugariro Moussa Omar. Umukino warangiye ari 2-2.

Mu mukino wabereye i Bugesera, Heroes yakiriyemo Rayon Sports warangiye ku ntsinzi ya Rayon Sports y’ibitego 2-0 byatsinzwe na Sarpong ku munota wa 43, Bizimana Yannick ku munota wa 76, Omar Sidibe ku munota wa 78 na Iranzi Jean Claude ku munota wa 80. Igitego cya Heroes cyatsinzwe na Aboubakar Uwiduhaye ku munota wa 87.

Nyuma y’umunsi wa 13, APR FC niyo iyoboye urutonde n’amanota 31, Rayon Sports ikagira 28, Police FC 26, Mukura VS 22, AS Muhanga 21 na Kiyovu Sports ifite 19.

Dore uko imikino yose y’umunsi wa 13 yarangiye

APR FC 3-2 Gasogi United (Stade de Kigali, 15h00)
Bugesera FC 0-0 Musanze FC (Stade Bugesera, 15h00)
Etincelles FC 0-0 Sunrise FC (Stade Umuganda, 15h00)
AS Muhanga 1-0 SC Kiyovu (Stade Muhanga, 15h00)
AS Kigali 1-2 Gicumbi FC (Stade de Kigali, 15h30)
Marines FC 0-0 Espoir FC (Stade Umuganda, 15h00)
Police FC 2-2 Mukura VS (Stade de Kigali, 13h00)
Heroes FC 1-4 Rayon Sports FC (Stade Bugesera, 15h00)

)