Umunyarwanda utoza Dodoma Jiji muri Tanzania, Mashami Vincent yaraye akoze ibikomeye nyuma yo gutsinda Young Africans agaharika imikino 42 yari imaze idatsindwa muri Shampiyona y’iki gihugu.
Ibi yabikoze ejo hashize ku wa Gatatu ubwo yatsindaga Young Africans ibitego 3-2 mu mukino w’umunsi wa 23 wa Shampiyona y’icyiciro cya mbere muri Tanzania.
Hakiri kare ku munota wa 2, Allan Okello rutahizamu ukomoka muri Uganda yari yamaze gufungura amazamu ku ruhande rwa Young Africans.
Gusa ibi byinshimo ntibyamaze kabiri kuko ku munota wa 29, myugariro
Bakari Nondo Mwamnyeto yakitsinze biba kimwe kuri kimwe.
Ntabwo Young Africans yayihaye agahenge kuko bagiye kuruhuka ari 2-1 hari nyuma y’uko Allan Okello ayitsindira icya kabiri ku munota wa 42.
Dodoma Jiji itahabwaga amahirwe muri uyu mukino, yaje kuba inzozi mbi kuri Young Africans mu minota ya nyuma mu gihe benshi bakekaga ko amanota yamaze gutaha Jangwani.
Ku munota wa 89, Kibuta Mwana yatsindiye Dodoma Jiji igitego cya kabiri hari mbere y’uko ku munota wa 7 w’inyongera Waziri Junior ayitsindira icya gatatu.
Ibi byari bivuze ko Mashami Vincent na Dodoma Jiji bahagaritse urugendo rw’imikino 42 Young Africans yari imaze idatsindwa muri Shampiyona ya Tanzania aho yaherukaga gutsindwa na TRA 7 Ugushyingo 2024 ibitego 3-1.
Mashami Vincent nubwo ari we mutoza mukuru wa Dodoma Jiji nk’uko amasezerano ye abivuga, gusa ubu mategeko umutoza mukuru ni umunya-Tanzania, Amani Josiah kuko nyuma yo gutangira akazi basanze Mashami adafite ibyangombwa bijyanye n’igihe bimwemerera gutoza muri Shampiyona y’icyiciro cya mbere muri Tanzania.
Byatumye iyi kipe icibwa amande ya miliyoni 15 z’Amashilingi ya Tanzania kuko yatoje imikino 3 ya mbere, gusa yanze kumurekura ahubwo bafashe umwanzuro wo kumufasha kugira ngo license ye ibe ijyanye n’igihe (refresher courses).
Ibitekerezo