APR FC itsinze AS Muhanga ibitego 2-0 ikomeza kuyobora urutonde rwa shampiyona n’amanota 48.

APR FC yari imaze imikino 19 yose itaratsindwa muri shampiyona, yari yasuye AS Muhanga itaratsinda umukino n’umwe mu mikino yo kwishyura.

Abasore ba APR FC batifuzaga gukora ikosa na rimwe, baje kubona igitego cya mbere ku munota wa 23 gitsinzwe na Byiringiro Lague. Igice cya mbere cyarangiye ari 1-0.

APR FC yatangiye igice cya kabiri ikora impinduka havamo Buteera hinjiramo Niyonzima Olivier Sefu.

AS Muhanga yashatse uburyo yishyura iki gitego biranga maze ku munota wa 71 ibona igitego cyatsinzwe na Byiringiro Lague.

Ni ku mupira wari uturutse kwa Mangwende awohereza imbere kwa Niyomugabo Claude, awuhindura mu rubuga rw’amahina hagati, usanga Lague wari usigaranye na myugariro aramucenga ahita aboneza umupira mu izamu.

AS Muhanga yashatse uburyo yakwishyura byibuze igitego kimwe ariko biranga umukino urangira ari 2-0.

Mu y’indi yabaye uyu munsi, Sunrise yatsinze Rayon Sports, Musanze FC inganya na Espoir FC 1-1 mu gihe AS Kigali yatsinze Marines 2-1.

Imikino yabaye ku munsi w’ejo, Police FC yatsinze Heroes 3-1, Bugesera FC itsinda Etincelles 3-1 ni mu gihe na Kiyovu Sports yatsinze Gicumbi 3-1.

Nyuma y’umunsi wa 20, APR FC iyoboye urutonde n’amanota 48, Police FC 43, Rayon Sports 41, Mukura VS 34 mu gihe Kiyovu Sports ifite 31.

Byiringiro Lague wahesheje intsinzi APR FC

)