Uyu munsi ni bwo hamurikwa kumugaragaro ikipe ya Rayon Sports y’abagaore irimo ikina mu cyiciro cya kabiri ku mwaka wa yo wa mbere, ni umuhano wahujwe no gutaha ikibuga gishya cyo mu Nzove nyuma yo kuvugururwa.

Ni umuhango uteganyijwe saa 14h kuri uyu wa Kabiri tariki ya 13 Ukuboza 2022 mu Nzove aho iki kibuga cy’ubwatsi bugezweho kiri bubakiwe n’umuterankunga w’iyi kipe ari we Skol.

Iki kibuga cyavuguruwe biteganyijwe ko Rayon Sports y’abagabo ari ho izajya ikorera imyitozo ndetse inahakinira imikino ya gicuti imwe n’imwe, ni mu gihe Rayon Sports WFC yo izajya ihakirira n’imikino ya shampiyona.

Hateganyijwe kandi umukino wa gicuti uri buhuze Rayon Sports WFC na Youvia WFC ikina mu cyiciro cya mbere ukaba uteganyijwe saa 15h30’.

Rayon Sports WFC iheruka kunyagira Gatsibo WFC ibitego 16-0 muri shampiyona y’icyiciro cya kabiri, bivugwa ko mu ntangiriro z’umwaka utaha izajya gukina umukino wa gicuti mu Bubiligi.

😎#GikundiroWomen #D2WomenLeague pic.twitter.com/Ufz6CSSLUj

— Rayon Sports Women F.C (@RayonSportsWFC) December 12, 2022

Haramurikwa kumugaragaro Rayon Sports y'abagore

)