Gasogi United yemeje ko yamaze guha akazi Umugande Kiwanuka Paul nk’umutoza w’agateganyo uzungirizwa na Dusange Sacha watozaga Rayon Sports y’abagore.

Nyuma y’uko mu cyumweru gishize itandukanye n’umutoza w’Umunya-Misiri Ahmed Abdelrahman Adel ndetse na Bahaaeldin Ibrahim wari umwungirije, nta mutoza yari ifite.

Ibinyujije ku rukuta rwa yo rwa Twitter, Gasogi United yemeje Kiwanuka Paul watoje amakipe arimo Soltilo Bright Stars, Busoga United, Vipers Sports Club (yungirije Fred Kajoba), Busiro na Kyadondo ari we wahawe gutoza iyi kipe by’agateganyo.

Uyu mutoza akazungirizwa na Dusange Sacha wari umaze iminsi mike atangajwe nk’umutoza mukuru wa Rayon Sports y’Abagore.

Aba batoza bakaba bagomba guhera ku mukino wo mu mpera z’iki cyumweru Gasogi United izasuramo Espoir FC i Rusizi.

Our Interim Coaches
Head Coach: KIWANUKA Paul
Assistance Coach :DUSANGE Sasha pic.twitter.com/IS35choI05

— Gasogi United FC (@gasogi_united) November 3, 2022

Kiwanuka Paul ni we mutoza mukuru w'agateganyo

Sacha ni we mutoza wungirije

)