Ishyirahamwe ry’umupira wa maguru muri Tanzania ‘TFF’, ryamaze guhanisha rutahizamu w’ikipe y’igihugu y’u Rwanda, Kagere Meddie kwishyura ibimbi 500 by’amashilingi ya Tanzania kubera inkokora yakubise umukinnyi wa Tanzania Prisons.

Nk’uko bigaragara mu itangazo ry’ishyirahamwe ry’umupira w’amaguru muri Tanzania, ryatangaje ko rihanishije uyu rutahizamu w’umunyarwanda kwishyura amashilingi ya Tanzania ibihumbi 500 kubera imyitwarirere mibi yagaragaje ku mukino wa Simba SC na Tanzania Prisons.

Uyu rutahizamu ashinjwa kuba yarakubise umukinnyi wa Tanzania Prisons inkokora muri uyu mukino wabaye tariki ya 1 Ugushyingo 2019 kuri Uwanja wa Taifa.

Ni ikosa yakoreye myugariro wa Tanzania Prisons ukina ku ruhande rw’iburyo, Michael Ismail, yamuteteye inkokora ubwo umukino wari ugeze ku munota wa 83. uyu mukino warangiye ari 0-0.

Si Kagere gusa wahanwe kuko na myugariro w’iyi kipe bakinana, Pascal Wawa yahagaritswe imikino 3 kubera ikosa yakoreye umukinnyi wa Yanga, Ditram Nchimbi ubwo yamusunikaga akanamukandagira mu mukino wabaye tariki ya 4 Mutarama 2020 kuri Uwanja wa Taifa.

Kugeza uyu munsi ikipe ya Simba SC ni yo iyoboye urutonde rwa shampiyona n’amanota 62 mu mukino 24, Meddie Kagere akaba amaze gutsinda ibitego 14.

Itangazo rya TFF

Meddie Kagere yaciwe ibihumbi 500

Pascal Wawa yahagaritswe imikino 3

)