Umunya-Ghana ukina mu kibuga hagati mu ikipe ya Rayon Sports, Olokwei Commodore umaze iminsi yaraburiwe irengerero, amakuru avuga ko yanze kongera gukinira iyi kipe mu gihe itaramwishyura amafaranga ye yamuguze ‘recruitment fees’.

Kuva nyuma y’umukino wa 15 wa shampiyona wabaye tariki ya 21 Ukuboza 2019, Rayon Sports yatsinzwemo na APR FC, uyu musore ntarongera gukorana imyitozo n’abandi.

Umutoza Alain Kirasa aherutse gutangariza ISIMBI ko atazi aho uyu mukinnyi aherereye ndetse ko n’ubuyobozi bwamubwiye ko butazi aho ari.

Amakuru agera ku kinyamakuru ISIMBI, avuga ko uyu mukinnyi yahagaritse imyitozo ko bushake nyuma yo gusaba ubuyobozi kumwishyura amafaranga ye bamuguze ariko ntayahabwe.

Uyu mukinnyi yumvikanye na Rayon Sports amafaranga agera kuri miliyoni 5 nk’amafaranga bamuguze, gusa yahawe miliyoni 1 izindi 4 ntarazibona.

Ku munsi w’ejo uyu musore yageze ku myitozo ya Rayon Sports mu Nzove ariko ntiyakoze, akaba asaba iyi kipe ko yamwishyura amafaranga ye agakomeza cyangwa se bakaba basesa amaserano akajya gushaka ahandi, ngo ntiyiteguye gukomeza akazi mu gihe bataramwishyura.

Muri Nyakanga 2019, ni bwo uyu musore yasinyiye Rayon Sports amasezerano y’imyaka ibiri, akaba yari aje asimbuye mwene wa bo, Donkor Prosper Kuka.
<img10119|center

)