Myugariro w’umutaliyani ukina mu mutima w’ubwugarizi muri Juventus, Daniele Rugani byemejwe ko yanduye virusi ya Koronavirusi(COVID-19).
Nk’uko BBC dukesha iyi nkuru ibivuga ni uko Juventus yamaze gutangaza Rugani w’imyaka 25 yapimwe bagasanga yaranduye iki cyorezo gihangayikije Isi uyu munsi.
Ubuyobozi bwa Juventus bwagize buti"umukinnyi w’umupira w’amaguru Rugani yapimwe dusanga yanduye virusi ya COVID-19. Juventus irimo gukuriza inzira zose zemewe n’amategeko harimo no gushyira mu kato abakinnyi bose bahuye na we."
Uyu musore bitangajwe ko yanduye iyi virusi nyuma y’uko yari ku rutonde rw’abakinnyi 18 bakinnye umukino wa Inter Milan ku Cyumweru bakanayitsinda 2-0 ariko ntiyagiye mu kibuga.
Ibi babaye mu gihe mu Butaliyani hahagaritswe ibikorwa byose bijyanye n’imikino kugeza tariki ya 3 Mata 2020.
Umukino wa Europa League na wo wagombaga guhuza Inter Milan na Getafe na wo wahise uhagarikwa.
Ibitekerezo