Umuhanzi wo munjyana ya Trap, Bushali na bagenzi be babiri Slum na Carine bari bafungiwe gukoresha iboyobyabwenge birimo urumogi, barekuwe by’agateganyo.

Mu Ukwakira 2019 nibwo Bushali na mugenzi we Slum babarizwa mu nzu ifasha abahanzi ya Green Ferry batawe muri yombi nyuma yo gufatanwa udupfunyika 2 tw’urumogi ndetse n’icupa ririmo ivu ryarwo, bari kumwe n’abakobwa babiri Uwizeye Carine na Uwase Nadia.

Tariki ya 4 Ugushyingo 2019, urukiko rwategetse ko Bushali, Slum Drip na Uwizeye Carine bakomeza bagafungwa iminsi 30 bagakomeza kuburana bafunzwe kubera ko mu bizamini byafashwe kwa muganga basanze basanzwe bakoresha ibiyobyabwenge, ni mu gihe Uwase Nadia basanze ntabyo bemera kumurekura akazajya aburana ari hanze.

Aba basore ntabanyunzwe n’uyu mwanzuro w’urukiko, bahise bajuririra mu rukiko rukuru rwa Nyarugenge, maze ku munsi w’ejo tariki ya 4 Ukuboza 2019, rwanzura ko barekurwa by’agateganyo bakazajya baburana bari hanze.

Bushali umaze kwigarurira imitima ya benshi akaba yaramenyekanye mu ndirimbo zitandukanye nkoa ’Ku Gasima’, ’Sindi Mubi’ n’izindi.

Ubwo babafataga

Ubwo bari imbere y'urukiko

)