Argentine yaraye ikatishije itike yo kugera ku mukino wa nyuma w’igikombe cy’Isi cya 2022 kirimo kubera muri Qatar, ni nyuma yo kunyagira Croatia 3-0.

Uyu mukino wabaye mu ijoro ryakeye, benshi bumvaga Croatia iri buze kugora Argentine nk’uko yagoye Brazil iyisezerera muri 1/4.

Si ko byaje kugenda kuko Argentine yaje gutsinda uyu mukino mu buryo bworoshye aho Lionel Messi yaje gutsinda igitego cya mbere ku munota wa 34 kuri penaliti.

Croatia yahise ishyira igitutu kuri Argentine ishaka kwishyura ariko ku munota wa 39, ku mupira wa contre - attaque wazamukanywe Julián Álvarez yatsindiye Argentine igitego cya kabiri. Amakipe yagiye kuruhuka ari 2-0.

Icyizere cyari cyagabanutse kuri Croatia, yaje gutsindwa igitego cya 3 ku munota wa 69 gitsinzwe na Julián Álvarez ku mupira yari ahawe na Lionel Messi. Umukino warangiye ari 3-0.

Argentine ikaba igomba guhura ku mukino wa nyuma uzaba ku wa Gatandatu w’iki cyumweru n’ikipe iri butsinde hagati y’u Bufaransa na Maroc.

Argentine yageze ku mukino wa nyuma

)