Guhera tariki ya 24 Mutarama kugeza ku wa 2 Gashyantare 2020 hazaba hakinwa imikino y’igikombe cy’Intwari cya 2020 mu mukino wa Basketball, amakipe 18 ni yo yemeje ko azitabira iri rushanwa.
Ni urushanwa ngaruka mwaka ry’umukino wa Basketball ryateguwe mu rwego rwo kwibuka Intwari z’u Rwanda, ni mu gihe tariki ya 1 Gashyantare u Rwanda rwihiza umunsi w’Intwari.
Ni urushanwa rizaba ririmo ibyiciro bibiri. Icyiciro cy’abagabo kizaba kirimo amakipe 13 ndetse n’icyiciro cy’abagore kiyandikishijwemo amakipe 5.
Mu bagabo amakipe azitabira ni; APR BBC, REG BBC, Espoir BBC, Patriots BBC, RP-IPRC Kigali, Tigers BBC, RP-IPRC Huye, P-IPRC Musanze, UR Huye, Trente Plus, Shoot for The Stars, UGB na UR-CMHS.
Mu bagore ni; APR WBBC, Ubumwe WBBC, The Hoops WBBC, UR- Huye WBBC na RP-IPRC Huye WBBC.
Umwaka ushize wa 2019, REG ni yo yegukanye irushanwa mu gihe mu bagore igikombe cyegukanywe na The Hoops.
Ibitekerezo