REG BBC yegukanye igikombe cy’Agaciro Basketball Tournament 2019 itsinze Patriots amanota 61 kuri 50, ni mu gihe mu bagore cyegukanywe The Hoops itsinze APR WBBC amanota 66 kuri 52.

Iri rushwanwa ryabaga ku nshuro ya mbere, mu cyiciro cy’abatarengeje imyaka 17, ikpe ya The Hoops niyo yegukanye igikombe itsinze Elite BBC.

Yegukanye igikombe iyitsinze nyuma y’uko umukino urangiye amakipe yombi anganya amanota 90-90, bahise bajya mu minota y’inyongera maze umukino urangira ari 104-100(18-19, 21-21, 28-22, 23-28, OT: 10-14).

The Hoops y'abatarengeje imyaka 17(bambaye icyatsi) nibo begukanye igikombe

Hahise hakurikiraho umukino wa nyuma mu bagore, ikipe ya APR WBBC yasezereye Ubumwe yahuye na The Hoops yasezereye IPRC- Huye muri 1/2.

APR WBBC ikaba itaje guhirwa n’umukino kuko yaje kuwutakaza ndetse inatwarwa igikombe na The Hoops.

The Hoops yegukanye igikombe nyuma yo gutsinda APR ku munota 66 kuri 52 ya APR (20-14, 16-15, 15-16 na 15-7).

APR WBBC yakinnye umukino wa nyuma

Ikipe ya The Hoops yakinnye umukino wa nyuma

Charlotte wa APR (15) ashaka uburyo yashyira amanota mu gakangara

Umukino warangiye The Hoops yegukanye igikombe

Hahise hakurikiraho umukino wa nyuma mu bagabo, ikipe ya Patriots yasezereye Espoir BBC yahuye na REG BBC yasezereye APR BBC muri 1/2.

Yari inshuro ya 5 aya makipe agiye guhurira muri Kigali Arena. Inshuro 4 zose zabanje ikipe ya Patriots yatsinze REG. Inshuro ya mbere hari mu mukino wa 1 wa kamarampaka, umukino wa 6 n’uwa 7 wa kamarampaka ndetse no ku mukino wa nyuma ya Legacy Tournament.

Patriots niyo yatangiye umukino neza, ndetse agace ka mbere k’umukino karangira ku manota 14 ya Patriots kuri 6 REG.

REG yagrukanye imbaraga nyinshi mu gace ka kabiri, ikuramo ikinyuranyo maze muri aka gace karangira itsinze amanota 20 kuri 5 ya Patriots.

Agace ka gatatu karangiye ku manota 18 ya REG kuri 14 ya Patriots. Agace ka 4 REG yatsinze amanota 21 mu gihe Patriots yatsinze 17. Umukino wose urangira REG yegukanye igikombe ku manota 61 kuri 50 ya REG.

Muri uyu mukino Kaje Elie niwe watsinze amanota menshi aho yatsinze amanota 17, Shayaka Olivier nawe wa REG yatsinze 13, umukinnyi watsinze amanota menshi muri Patriots ni Mugabe Aristide watsinze amanota 12.

Murenzi Romeo wa Elite BBC niwe wabaye umukinnyi w’umukino mu batarengeje imyaka 17.

Mu cyiciro cy’abagore Micomyiza Rosine wa The Hoops niwe watowe nk’umukinnyi w’irushanwa.

Mu bagabo Shyaka Olivier, umusore usanzwe uri na kapiteni w’ikipe y’igihugu yabaye umukinnyi w’irushanwa.

REG yegukanye igikombe mu bagabo ndetse na The Hoops yacyegukanye mu bagore zirashyikirizwa miliyoni 2 buri imwe, Patriots na APR WBBC zihabwe ibihumbi 500 buri imwe, mu cyiciro cy’abatarengeje imyaka 17, The Hoops yahawe igikombe ndetse n’inkweto mu gihe Elite ya 2 yahawe imidari n’imipira yo gukina.

Abakinnyi ba REG

Abakinnyi ba Patriots yitabaje

George wa Patriots agerageza gushyira umupira mu gakangara

Ngandu Bienvenue wa REG afite umupira

)