Ikipe y’igihugu y’u Rwanda Amavubi igiye kwakira Congo Brazaville mu mukino wa gishuti mu rwego rwo kwitegura igikombe cya CHAN 2020 kizabera muri Cameroun, Mashami Vincent akaba yakoze impinduka 3 ugereranyije n’abakinnyi bakinnye na Cameroun.
Ni umukino wa 2 wa gishuti Amavubi agiye gukina, ni nyuma y’uwo bakinnye na Cameroun tariki ya 24 Gashyantare 2020.
Muri Cameroun Mashami Vincent yari yabanjemo Kimenyi Yves, Rugwiro Herve, Manzi Thierry, Omborenga Fitina, Imanishimwe Emmanuel, Niyonzima Olivier Sefu, Nsabimana Eric Zidane, Manishimwe Djabel, Iradukunda Jean Bertrand, Nshuti Dominique Savio na Sugira Ernest.
Uyu munsi akaba yari yahsemo kuruhutsa abakinnyi bamwe aha amahirwe abandi, nka Bertrand yari yabanje hanze hazamo Lague.
Mu zindi mpinduka zabaye, Manishimwe Djabel yavuyemo hinjiramo Ngendahimana Eric mu gihe Savio yavuyemo hakajyamo Danny Usengimana.
Ni umukino uri bubere kuri Stade Amahoro uyu munsi ku wa Gatanu tariki ya 28 Gashyantare 2020 saa 15:00’.
11 bagiye kubanzamo
Kimenyi Yves, Omborenga Fintina, Imanishimwe Emmanuel Mangwende, Rugwiro Herve, Manzi Thierry, Nsabimana Eric Zidane, Niyonzima Olivier Sefu, Ngendahimana Eric, Byiringiro Laguye, Danny Usengimana na Sugira Ernest
Ibitekerezo