Amatariki azaberaho imurikagurisha ry’ibikoreshwa mu bukwe ryiswe ‘East African Wedding Show’ ku nshuro ya kabiri yamaze kumenyekana aho bazamurika n’imodoka z’abageni.

Iri murikagurisha risanzwe ritegurwa n’ikigo cya ‘East African Brides’ ku bufatanye na ‘Radisson Blu Hotel’ na ‘Convention Centre’ bamaze gutangaza ko bagiye gukora iri murikagurisha ku nshuro ya kabiri rizamara iminsi ibiri.

Nk’uko bisanzwe biteganyijwe ko rizabera i Kigali kuri ‘Radisson Blu Hotel’ na ‘Convention Centre’ hakazamurikwa ibikoresho bitandukanye ku matariki ya 22 na 23 Gashyantare 2020.

Kuri iyi nshuro biteganyijwe ko hazamurikwa ibikoresho bitandukanye bikoreshwa mu bukwe birimo n’imodoka nto n’inini zitwara abangeni bo mu bihugu bya Repubulika Iharanira Demokarasi ya Congo, u Burundi, Uganda na Kenya.

Mu imurikagurisha nk’iri ry’umwaka ushize hamuritswe ibikoresho bitandukanye birimo imyambaro y’ubukwe, umuteguro w’aho biyakirira mu bukwe mu byuryo bunyuranye ndetse n’ibindi bikoresho bitandukanye.

‘East African Wedding Show’ ihuriza hamwe abacuruzi b’ibikoresho bitandukanye byo mu bukwe n’abandi bakora ibifitanye isano n’ubukwe nk’abafotora, abashushanya n’abandi bakomoka mu bihugu bitandukanye byo muri Afurika y’iburasirazuba birimo u Rwanda, DR Congo, Uganda, Kenya, Burundi na Tanzaniya.

)