Umukinnyi wa filime, Micky yatangaje ko atemeranywa n’igitekerezo cy’uko abagore bagomba kureka abagabo bagasabana na buri mugore wese babonye bishingikirije imvugo zidashyigikiwe n’ibizibiti.

Mukobwajana Asifiwe wamamaye mu kwandika no gukina filime nka Micky yagaragaje ko atari ku ruhande rw’umubare munini w’abagore bashobora kwemerera abagabo babo kugirana ubushuti busa nk’ubwigiye imbere n’abandi bagore n’abakobwa cyangwa kugaragariza mu ruhame ko biyumvamo abandi bagore b’ibyamamare.

Mu kiganiro yagiranye na ISIMBI, uyu mufasha wa Agiraneza Pacifique uzwi nka AG Promoter yavuze ko ashingiye ku kimeze nk’irari karemano byemezwa ko rikunze kugaragara mu bagabo bituma acunga buri ntambwe iterwa n’uwo bashakanye igana ku mugore.

Ati “Ntabwo umugabo wawe uzamwemerera gusabana na buri gitsina gore cyose bahuye kubera ko bavuze ngo hagenda imbwa. Njyewe ntekereza ko buri mugore aba agomba gucunga ibintu bye hakiri kare kuko uwaguteza ikibazo ntuzi uko asa."

“Njyewe hari ikintu umugabo wanjye azi, ntashobora guhobera umukobwa uko byagenda kose, ngomba gusigasira umugabo wanjye kuko nakuze nziko abagabo bifitemo irari.”

Micky atangaje ibi nta minsi myinshi itambutse n’ubundi ubwo yaganiraga birambuye na ISIMBI, umugabo wa Lynda Priya, Irenge Christian ahamije ko akunda mu buryo budasanzwe umunyamakuru akaba n’umushyushya rugamba, Anita Pendo ndetse amusaba bazahura imbonankubone.

Micky yavuze ko atakwemerera umugabo we guhobera undi mugore

)