Rayon Sports yatsinze Etincelles FC 2-0 ikomeza kotsa igitutu APR FC iyoboye urutonde rwa shampiyona.

Hari mu mukino w’umunsi wa 22 aho Rayon Sports yari yarikiririye Etincelles FC kuri Stade ya Muhanga.

Ku munota wa 45, Joackiam Ojera yafunguye amazamu ku ruhande rwa Rayon Sports ku ishoti yatereye inyuma y’urubuga rw’amahina.

Léandre Onana utari wigaragaje cyane muri uyu mukino, yaje gutsindira Rayon Sports igitego cy’agashinguracumu ku munota wa 80 ku mupira yatereye mu rubuga rw’amahina.

Uyu mukino waje kugaragaramo gushyamirana hagati ya rutahizamu wa Rayon Sports, Musa Esenu na kapiteni wa Etincelles, Nshimiyimana Abdou aho bose bahise bahabwa ikarita itukura.

Undi mukino AS Kigali yatsindiwe na Etincelles FC i Rusizi igitego kimwe ku busa.

Nyuma y’imikino y’umunsi wa 22, APR FC ni yo iyoboye urutonde rwa shampiyona n’amanota 46, Rayon Sports ifite 45, Kiyovu Sports 44, AS Kigali 38, Gasogi United na Police FC zikagira 36.

Uko imikino y’umunsi wa 22 yarangiye

Ku wa Gatanu tariki ya 3 Werurwe 2023

Gorilla FC 2-1 Marines FC

Ku wa Gatandatu tariki ya 4 Werurwe 2023

Bugesera FC 0-1 Mukura VS
APR FC 6-1 Rutsiro FC
Police FC 1-2 Kiyovu Sports
Rwamagana City 2-0 Sunrise FC

Ku Cyumweru tariki ya 5 Werurwe 2023

Espoir FC 1-0 AS Kigali
Gasogi United 1-2 Musanze FC
Rayon Sports 2-0 Etincelles

Rayon Sports yatsinze Etincelles FC

)