Muyumbo Thomas wanyemenyekanye nka Tom Close mu muziki, yafashe umwanya yifuruza umugore we Niyonshuti Ange Tricia isabukuru nziza y’amavuko amwibutsa ko ari we watumye Isi ye iba nziza.

Buri tariki ya 3 Gicurasi, Niyonshuti Ange Tricia, akaba umugore w’umuhanzi Tom Close usanze ari umuyobozi w’iIkigo gishinzwe gutanga amaraso, Ishami rya Kigali (RCBT-Kigali), yizihiza isabukuru y’amavuko.

Kuri iyi nshuro arizihiza isabukuru y’imyaka 31, akaba ari inshuro ya 6 agiye kuyihiza abana na Tom Close nk’umugore n’umugabo.

Tom Close abinyujije ku rukuta rwe rwa Instagram yifurije umugore isabukuru nziza amubwira ko ari we mugore yabonye ku isi ufite umutima mwiza.

Yagize ati“isabukuru nziza ku mugore mwiza kandi w’umutima ku Isi. Waje mu Isi yanjye yose uyihindura nziza. Icyo nkwifuriza ni ukuramba indi myaka 100. Ndagukunda.”

Tom Close na Tricia bashyingiranywe mu Gushyingo 2013, bamaze kubyarana abana batatu ariko bakaba bafite n’undi mwana w’uruhinja bakiriye umwaka ushize mu muryango wa wo bemera kumurera.

Tom Close yifurije umugore we Tricia isabukuru nziza

Niyonshuti Ange Tricia yujuje imyaka 31

Kugeza ubu bafite abana bane mu muryango wa bo

)