Umukobwa uhagararaiye igihugu cy’u Buholandi, Miss Nathalie Yasmin Mogbelzada mu irushanwa rya Miss Supranational 2019 riri kubera muri Poland ni we wegukanye ikamba ry’umukobwa ugaragarana neza kurusha abandi ‘Miss Elegance’.

Igisonga cya mbere cya Miss Nathalie yabaye uhagarariye igihugu cya Vietnam Miss Ngoc Chau mu gihe igisonga cya kabiri yabaye uhagarariye Venezuela Miss Gabriela dela Cruz.

Ikamba rya Miss Elegance ni ryo rya mbere ryatanzwe muri iri rushanwa ry’ubwiza rya Miss Supranational 2019, aho uzegukana iri rushanwa azamenyekana ku wa Gatanu tariki ya 6 Ukuboza 2019.

Umunyana Shanitah uhagarariye u Rwanda ntiyabashije kuza mu bakobwa batdsinze nubwo amatora yo kuri interineti akomeje ku rubuga rw’iri rushanwa.

U Rwanda rwatangiye kwitabira iri rushanwa ngaruka mwaka kuva mu mwaka wa 2011 aho rwagiye ruhagararirwa n’abakobwa batandukanye batabashije kuryegukana barimo Miss Mutesi Aurore Kayibanda mu mwaka wa 2013, Akiwacu Colombe muri 2016 n’Uwase Clementine wagiyeyo umwaka ushize wa 2018.

Miss Nathalie Yasmin Mogbelzada(uri hagati) niwe wabaye Miss Elegance

Umunyana Shanitah yabuze iri kamba

)