Hamaze kubaho impinduka ku mikino y’igikombe cy’Agaciro (Agaciro Cup 2019) aho kubera kuri Stade Reagional i Nyamirambo, imikino yose yimuriwe kuri Stade Amahoro i Remera.
Iyi mikino iteganyijwe tariki ya 13 na 15 Nzeri 2019, aho izahuza amakipe 4 ya mbere muri shampiyona umwaka w’imikino wa 2018-19.
Iri rushanwa ritegurwa byari biteganyijwe ko imikino ya 1/2 ari yo izaba tariki ya 13 Nzeri izabera i Nyamirambo, ni mu gihe imikino ya tariki ya 15 Nzeri hari hataramenyekana aho izabera.
Ishyirahamwe ry’umupira w’amaguru mu Rwanda, ryatangaje ko imikino yose izabera kuri Stade Amahoro tariki ya 13 na 15 Nzeri.
Tariki ya 13 Nzeri Saa 13:00’ APR FC izakina na Mukura VS, mu gihe saa 15:30’ Rayon Sports izakina na Police FC. Amakipe azatsinda azahurira ku mukino wa nyuma tariki 15 Nzeri, ari nabwo amakipe azatsindwa azahatanira umwanya wa 3.
Ikipe izegukana igikombe izahabwa 3,000,000 frw, iya kabiri ihabwe 1,500,000 frw mu gihe iya gatatu izahabwa 500,000 frw.
Iki gikombe umwaka ushize kibakaba cyaregukanywe na Rayon Sports ari nayo ifite icya 2017.
Ibitekerezo