AS Kigali yanyagiye Marines FC ibitego 3-0 ikomeza kurwanira umwanya wa nyuma na Espoir FC yatsinzwe na Espoir FC.

Uyu munsi shampiyona yari yakomeje hakinwa umunsi wa 16, habaye imikino 2.

Mu Bugesera, AS Kigali yari yakiriye Marines FC iri mu makipe arwana no kutamanuka.

Ku mupira mwiza wahinduwe na Shabani Hussein Tchabalala ku munota wa 27, Lotin Felix Kone yatsindiye AS Kigali igitego cya mbere.

AS Kigali yakomeje gushaka igitego cya kabiri ariko amakipe yombi ajya kuruhuka ari 1-0.

AS Kigali yagiye ikora impinduka zitandukanye nka Lotin Kone Felix, Man Ykre na Ahoyikuye Jean Paul Mukonya wagize imvune bavuyemo hinjiramo Denis, Jacques Tuyisenge, Nyarugabo Moise na Kalisa Rashid.

Izi mpinduka zabafashije kuko ku munota wa 85 Jacques Tuyisenge yayitsindiye igitego cya kabiri hari mbere y’uko ku munota wa 4 w’inyongera Tchabalala ashyiramo icya 3. Umukino warangiye ari 3-0.

Undi mukino wabaye uyu munsi, Espoir FC yatsindiwe mu rugo na Rwamagana City 1-0.

Nyuma yo gutsindwa iyi mikino byashimangiye ko Marines na Espoir FC zisoza umunsi wa 16 ari iza nyuma n’amanota 7 ni mu gihe AS Kigali ari yo ikiyoboye urutonde na 33, Kiyovu Sports 31, APR FC 28 indi mikino izaba ejo.

Gahunda y’umunsi wa 16

Ku wa Gatanu, tariki ya 20 Mutarama 2023
Gorilla FC 2-3 Police FC (Stade Bugesera, 12:30)
Gasogi United 0-0 Kiyovu Sports (Stade Bugesera, 15:30)

Ku wa Gatandatu, tariki ya 21 Mutarama 2023

AS Kigali 3-0 Marines FC (Stade Bugesera, 15:00)
Espoir FC 0-1 Rwamagana City (Rusizi, 15:00)

Ku Cyumweru, tariki ya 22 Mutarama 2023

Rutsiro FC vs Etincelles FC (Stade Umuganda, 15:00)
Bugesera FC vs Sunrise FC (Stade Bugesera, 12:30)
APR FC vs Mukura VS (Stade Bugesera, 15:30)

Ku wa Kabiri tariki ya 24 Mutarama 2023

Rayon Sports vs Musanze FC (Stade Muhanga, 15:00)

)