Rutahizamu ukomoka muri Côte d’Ivoire, Gerard Bi Goua Gohou uheruka guhabwa ubwenegihugu bw’u Rwanda ndetse ahita atangira gukinira Amavubi, yatandukanye n’ikipe ye ya FC Aktobe yo muri Kazakhstan.
Ni mu itangazo iyi kipe yasohoye ko yamaze gutandukana n’abakinnyi bagera muri 3 bose kubera ko amasezerano ya bo yarangiye.
Abo iyi kipe yatandukanye na bo ni Gerard Bi Goua Gohou watangiye gukinira Amavubi muri Nzeri umwaka ushize, Umunya-Kazakhstan wakinaga nka myugariro Temirlan Erlanov ndetse na Rogerio Alves usatira anyuze ku mpande ukomoka muri Brazil.
Gerard Bi Goua Gohou uretse FC Aktobe kandi yakiniye andi makipe atandukanye nka JC Abidjan yo muri Côte D’Ivoire, Hassania Agadir yo muri Maroc, Neuchâtel Xamax yo mu Busuwisi, Kasımpaşa S.K., Denizlispor na Kayseri Erciyesspor zo muri Turikiya, Beijing Sport University Football Club yo mu Bushinwa na Krasnodar yo mu Burusiya.
Ibitekerezo