Abakobwa bari mu mwihererero wa Miss Supernational Rwanda 2019, baraye berekanye impano bafite, zimwe mu mpano aba bakobwa berekanye harimo imbyino, indirimbo, imideli ndetse hari n’abakinnye ikinamico ivuga ku mukobwa wiyahuye kwa Makuza kubera umuhungu.

ku munsi w’ejo hashize tariki ya Nzeri 2019 , mu buryo bwo kwishimisha abakobwa bahatanira ikamba rya Miss Supranational Rwanda 2019 berekanye zimwe mu mpano biyumvamo kuri La Palisse Nyandungu aho bari gukorera umwiherero.

Umutoni Shanitah na Mutoni Queen babyinnye indirimbo “Gake” ya Igor Mabano na Nel Ngabo n’aho Paulette Ndekwe we yerekanye impano yo kuririmba aho yasubiyemo indirimbo “Je Louis Dirai” ya Celine Dion.

Uwase Aisha yabyinnye ikinimba, Umutoniwase Anastasie abyina Kizomba yifashishije indirimbo “Byakoroha” ya Nel Ngabo, ni mu gihe
Umwali Sandrine, Neema Nina na Magambo Yvette babyinnye kinyarwanda.

Uwababyeyi Rosine na Umulisa Divine bakinnye ikinamico y’umukobwa wiyahuye kubera umusore wamuhemukiye amwizeza urukundo nyuma agasanga yaramubeshyaga, ikaba ari inkuru isa n’iy’umukobwa wiyahuye ku munsi w’ejo asimbutse inyubako yo kwa Makuza Peace Plaza mu igorofa rya 4.

Umwali Bella na Gihozo Aldo na Umufite Anifa berekanye impano yo kumurika imideli.

Umuhoza Karen yavuze umuvugo ari nawe umwe rukumbi werekanye iyi mpano.

Ibi bikaba byakozwe mu buryo bwo kwishimisha, ntabwo bizagenderwaho na kanama nkemurampaka mu gutanga amanota kuri aba bakobwa.

Uyu mwiherero uzasozwa tariki ya 8 Nzeri aho hazatangazwa uwegukanye iri kamba akazanahagararira u Rwanda muri Poland mu irushanwa rya Miss Supra Supranational World.

Umusizi Karen Umuhoza

Rosine wakinnye ikinamico igaragaza umukobwa wahemukiwe mu rukundo agahitamo kwiyahura

Umukundwa Clemence abyina indirimbo za Kizungu

)