Umuhanzi Kizito Mihigo wari ufungiwe kuri Sitasiyo ya Polisi i Remera nyuma yo gufatwa ashaka gutorokera i Burundi, polisi y’u Rwanda iratangaza ko yasanzwe aho yari afungiwe yiyahuye arapfa.

Ku wa 13 Gashyantare 2020 ni bwo hamenyekanye inkuru y’uko umuhanzi Kizito Mihigo yatawe muri yombi mu karere ka Nyaruguru ubwo yageragezaga kwambuka ajya i Burundi mu buryo bunyuranyije n’amategeko.

Kizito Mihigo akaba yari akurikiranyweho kwambuka ajya i Burundi mu buryo bunyuranyije n’amategeko agiye gukorana n’imitwe y’iterabwaba irwanya leta y’u Rwanda, ndetse n’icyaha cya ruswa dore ko byavuzwe ko ubwo yafatwaga yagerageje gutanga ruswa kugira ngo arekurwe.

Mu gitondo cyo kuri uyu wa Mbere Polisi y’u Rwanda ibinyujije mu itangazo yageneye abanyamakuru, yavuze ko basanze Kizito Mihigo w’imyaka 38 yiyahuriye aho yari afungiye arapfa.

Kizito Mihigo akaba yari amaze iminsi 3 muri gereza ya polisi aho yari akurikiranyweho ibyaha byo kwambuka umupaka mu buryo bunyuranyije n’amategeko na rushwa.

Kizito yiyahuye nyuma y’uko tariki ya 15 na 16 Gashyantare 2020 yasuwe n’abo mu muryango we ndetse n’umuhagarariye mu mategeko, iperereza rikaba ryatangiye kugira ngo hamenyekane ikintu cyatumye yiyambura ubuzima.

Itangazo rya Polisi

)