Kim Kardashian n’umugabo we Kanye West bibarutse umwana wa kane hifashishijwe uburyo bwa Surrogate[aho bakoresheje undi mugore watwise mu kigwi cya Kim].

Uyu mwana yavutse kuri uyu wa Gatanu tariki ya 10 Gicurasi 2019. Kim Kardashian yamenyesheje abamukurikira kuri Twitter ko yibarutse umuhungu ndetse ko ameze neza.

Yanditse ati “Yavutse kandi ameze neza!”

Uyu muhungu abaye umwana wa kane Kanye West abyaranye na Kim Kardashian. Ni uwa kabiri ubyawe hifashishijwe uburyo bwa surrogate, gusa umugore watwitiye Kim ni mushya kuko uwahawe aka kazi ku mwana wa gatatu bitamushobokeye.

Uyu mwana aguye mu ntege North umaze kuzuza imyaka itanu, Chicago w’umwaka umwe ndetse na Saint West w’imyaka itatu.

Izina ry’uyu mwana riteye benshi amatsiko. CNN yanditse ko muri Mutarama 2019 Kim Kardashian yamaze igihe kinini yirirwa ashakisha kuri Google izina ryiza ryazagirana isano n’inkomoko ye muri Armenia mu gusigasira umurage w’aho akomoka.

)