Umuririmbyi Nicole Scherzinger n’umugabo bahoze bakundana Lewis Hamilton batunguwe n’amashusho yasakajwe kuri internet bigeze kwifata bishimanye mu gitanda.

Ikinyamakuru The Sun cyatangaje ko Nicole Scherzinger na Lewis Hamilton, igihangange mu mukino wa formula 1 batazi uburyo aya mashusho yageze hanze. Umuntu wayashyize kuri internet bikekwa ko ari umu-hacker winjiye muri konti y’umwe muri bo kuri iCloud.

Aba bombi batandukanye burundu mu 2015. Yari inshuro ya kane Scherzinger na Lewis batandukana mu myaka umunani bamaranye.

Mu mwaka wa 2010 batandukanye inshuro ebyiri, muri 2011 batandukanye rimwe ,bongera gutandukana muri 2013 hanyuma baza gusubirana muri 2014. Mu mpera za Mutarama 2015 urukundo rwabo rwarundutse.

Umwe mu nshuti za hafi za Nicole, yabwiye iki kinyamakuru ati “Nicole araza gushengurwa n’ariya mashusho nayabona kuri internet.”

Iyi video igaragaza Nicole w’imyaka 40 na Lewis wa 32 basomana banasangira ibyishimo by’urukundo mu buriri, ngo bayifata ubwabo ntibifuzaga ko yazajya hanze.
Mu gihe gito imaze hanze yarebwe ku rwego rukomeye, ku munsi wa mbere gusa abantu bagera mu bihumbi Magana atatu nibo bayirebye.

Ni benshi bagiye batamazwa na video bifashe bari kumwe n’abagabo mu gitanda, mu 2014 Jennifer Lawrence wamamaye muri ‘Hunger Games’ byamubayeho. Mu bandi byabayeho ni Emma Watson, Sienna Miller, Tamzin ¬Outhwaite, Rhian Sugden n’abandi.

Ibyamamare bihangayikishijwe bikomeye n’umutekano muke wa konti zabyo kuri iCloud kubera uburyo abajura bo kuri internet bahora bifuza kuzinjiramo ngo bashyire hanze amabanga yahishwe Isi.

Mu mwaka ushize, uwitwa George Garofano w’imyaka 26, yafunzwe nyuma yo guhamwa n’icyaha cyo kwinjira muri konti 250 z’ibyamamare bya Hollywood.

)