Umunsi Zari yakuyemo akarenge, Diamond na we yakoze igikorwa gikomeye yohereza intumwa i Nairobi zitungura Tanasha ku munsi w’abakundanye, umukobwa byamurenze.

Ku gicamunsi cyo kuri uyu wa 14 Gashyantare 2019, Isi yose yizihizaga Saint Valentin; Tanasha yari mu kiganiro akora cyitwa NRG Circle gica kuri NRG Radio, maze inshuti za Diamond zimusanga muri studio zizanye umuba w’indabo, ibyapa byanditseho amagambo y’urukundo, imivinyu n’abacuranzi.

Tanasha yaguye mu kantu, yishimye by’ikirenga ndetse ahita abishyira kuri Instagram abwira umukunzi we ko yanyuzwe birenze ibyo yatekerezaga.

Yamwandikiye ati “Diamond Platnumz, ndagushimiye kuri iki gikorwa. Nabuze icyo mvuga […] Watumye umunsi wanjye ugenda neza.”

Yongeye arandika ati “Ndagushimiye rukundo[ashyiraho umutima na emoji ifite irira ku maso] Ndi umugore wahiriwe kurusha abandi ku Isi kuko ngufite. Amagambo ntiyasobanura uko merewe.”

Diamond na we yahise ashyira ifoto yabo bombi kuri Instagram abwira Tanasha ati “Kubera ko ari wowe Valentine wanjye iteka. Ndakeka wishimiye igikorwa gito nakoze. Uri kure yanjye ariko umutima wanjye uri kumwe nawe.”

View this post on Instagram

@diamondplatnumz Thank you for this surprise..I was so speechless you can tell from my squeaky voice.. You made my day. I love you ❤️😥🌹 @nrgradioke

A post shared by Tanasha Donna Oketch (@tanashadonna) on Feb 14, 2019 at 11:20am PST

Ku ruhande rwa Zari utarabona undi mukunzi, we yashyize kuri SnapChat ifoto ye afite indabyo yahawe n’abana be ayiherekeza amagambo yo kubashimira.

Ku wa 14 Gashyantare, ni umunsi ufite amateka akomeye kuri Diamond Platnumz kuko ari nabwo urukundo rwe na Zari Hassan rwashyizweho akadomo n’uyu mugore wo muri Uganda.

Nasibu Abdul ‘Diamond Platnumz’ na Tanasha Donna Oketch bagombaga kuba bakoze ubukwe kuri uyu wa 14 Gashyantare 2019, ariko bahinduye gahunda kugira ngo inshuti zabo zose zibanze zimenyeshwe.

Tanasha yagiye mu kiganiro yambaye umutuku, yasaga n'ubyiteguye

Icyapa Diamond yoherereje Tanasha handitseho ubutumwa ko amukunda

Diamond na Tanasha basigaye bateteshanya muri iyi minsi

Kuri iyi Saint Valentin, Zari we yahawe indabyo n'abana be

Tanasha umukunzi mushya wa Diamond[iburyo] hamwe n'umukunzi wa Rayvanny

)