Umuhanzi Bobi Wine urimo kwiyamamariza kuyobora Uganda, yahagaritse ibikorwa byo kwiyamamaza ni nyuma y’uko uyu munsi asagariwe n’abashinzwe umutekano bakamurasa bakamena ikirahure cy’imodoka ye n’amapine.

Ni igikorwa cyabaye mu gitondo cyo kuri uyu wa Kabiri aho abashyigikiye Bobi Wine basesereye n’abashinzwe umutekano.

Izi mvururu zakomerekeyemo abantu benshi mu bamushyigikiye barimo n’umwe ushinzwe kumurinda, bakaba bahise bajyanwa mu bitaro.

Bobi Wine yabitangaje abinyujije kuri Twitter yagize ati"Abasirikare n’abapolisi batwatatse na none. Baturasheho benshi bakomeretse barimo na Producer Dan Magic, umupolisi yanyatatse nanjye. Benshi ubuzima bwabo buri habi."

Our crime is preaching a message of change. Our crime is campaigning in an election. Our crime is moving across the country. Our crime is being received by our people with love. And Gen. Museveni has determined that the penalty for this crime is torture, brutalisation and death. pic.twitter.com/BHYw8P6O6U

— BOBI WINE (@HEBobiwine) December 1, 2020

Benshi bakomeretse ubwo abashinzwe umutekano bateraga ibyuka biryana mu maso mu rwego rwo gutatanya abamushyigikiye.

Nyuma banarashe imodoka ye bayimena ikirahure n’amapine ari bwo yahise atangaza ko ibikorwa byo kwiyamamaza uyu munsi abihagaritse.

Mu minsi ishize kandi uyu mugabo nabwo yaraye hanze ya hoteli acumbitsemo, ni nyuma y’uko abashinzwe umutekano bamwangiye kuyinjiramo.

Uko imodoka ye yagizwe

)